Uzinduzi wa Tawi Jipya la Coopbank — Morocco, Dar es Salaam

Imechapishwa: 12June 2026 Habari za Benki

Benki ya Ushirika Tanzania (Co-operative Bank Tanzania PLC – Coopbank PLC) inayo furaha kubwa kutangaza uzinduzi rasmi wa tawi lake jipya lililopo eneo la Morocco, Jijini Dar es Salaam. Uzinduzi huu ni hatua nyingine muhimu katika mkakati wa benki wa kupanua mtandao wake wa huduma na kuwafikia wateja wengi zaidi katika jiji kubwa la kibiashara nchini Tanzania.

Eneo la Kimkakati kwa Huduma Bora

Eneo la Morocco ni miongoni mwa maeneo yenye shughuli nyingi za kibiashara na kijamii jijini Dar es Salaam, likiunganisha maeneo ya Kinondoni, Kijitonyama, Mwananyamala na Mikocheni. Kwa kufungua tawi katika eneo hili la kimkakati, Coopbank inawawezesha wafanyabiashara, wajasiriamali, watumishi na wakazi wa maeneo haya kupata huduma za kibenki kwa urahisi na haraka bila kusafiri umbali mrefu.

Huduma Zitakazopatikana

Tawi la Morocco litatoa huduma kamili za kibenki, zikiwemo:

• Ufunguzi wa akaunti za akiba, biashara na vyama vya ushirika

• Mikopo ya biashara, kilimo na maendeleo binafsi

• Huduma za kidijitali — mobile banking, internet banking na kadi za ATM

• Huduma za malipo, uhamishaji wa fedha na miamala ya kimataifa

• Ushauri wa kifedha kwa wateja binafsi, vikundi na taasisi

Ujumbe wa Uongozi

"Ufunguzi wa tawi letu la Morocco ni ushahidi wa dhamira yetu ya kusogeza huduma karibu na wateja wetu. Dar es Salaam ni kitovu cha uchumi wa taifa letu, na tunataka kila mkazi na mfanyabiashara wa jiji hili awe na mshirika wa kifedha anayemwelewa na kumjali. Karibuni Coopbank Morocco," — [Godfrey Ng’urah], Mkurugenzi Mtendaji, Coopbank.

Karibu Utembelee Tawi Letu

Tunawakaribisha wateja wote — wapya na wa zamani — kutembelea tawi letu jipya la Morocco na kufaidika na huduma zetu bora. Wafanyakazi wetu wenye weledi na ukarimu wapo tayari kukuhudumia.

Mahali:Morocco, Dar es Salaam
Saa za Kazi: Jumatatu – Ijumaa: 08:30AM-16:30PM | Jumamosi: 08:30-13:30
Coopbank — Ustawi Kwa Wote

Kwa habari zaidi, wasiliana na Kitengo cha Mawasiliano, Co-operative Bank Tanzania PLC, au Matawi Yetu.